Publiku | WwW.Publiku.at.ua

Gjëndje e jashtëzakonshme në SHBA, stuhia Isaac rrezik për jetën

Admin — Tue, 28 Aug 2012 14:16:37 GMT

SHBA – Zyrtarët federalë të emergjencës në Shtetet e Bashkuara sot kanë tërhequr vërejtjen se stuhia tropikale Isaac paraqet rrezik për jetë dhe me gjasë do të shkaktojë dëme të mëdha kur të arrijë në Gjirin Bregdetar amerikan.

Krejg Fjugate nga kjo agjenci tha se kjo shtrëngatë mund të prodhoj valë me lartësi dy e deri në katër metra përgjatë bregdetit dhe rreshjet e mëdha mund të çojnë në dëme të gjëra në brendësi.

Guvernatorët e Luizianës, Misisipit dhe Alabamës, dje kanë shpallur gjendje të jashtëzakonshme, derisa Florida, që gjendje të këtillë ka shpallur një ditë më herët, ishte përfshirë nga të reshurat e mëdha dhe erërat e fuqishme.

Kjo stuhi pritet se do ta godasë Gjirin Bregdetar amerikan nesër vonë ose pasnesër në mëngjes. Në Karaibe uragani ka bërë kërdi. Në Haiti kanë humbur jetën gjashtë vetë, ndërsa në Kubë ka pasur vërshime.

Uragani Isaac e ka detyruar Partinë Republikane në Shtetet e Bashkuara që ta shtyjë konventën e saj në Tampa të Floridës për një ditë.

Obama shpall gjëndjen e jashtëzakonshme në Luiziana

Admin — Tue, 28 Aug 2012 14:13:47 GMT

Washington – Presidenti amerikan, Barak Obama, ka shpallur gjendje të jashtëzakonshme në Luiziana, derisa shtetet e Gjirit Bregdetar amerikan po përgatiten për Stuhinë tropikale Isaac.

Presidenti i Shteteve të Bashkuara, Barak Obama, e ka informuar guvernatoritn e Luizianës se ka shpallur gjendje të jashtëzakonshme, në mënyrë që të lirohen fondet për aktivitete të emergjencës të ndërlidhura me stuhinë e cila po forcohet gjithnjë e më tepër.

Ai, po ashtu, ka kërkuar që Agjencia për Menaxhimin e Emergjencave Federale t’i koordinojw përpjekjet për ndihma me zyrtarët shtetërorë dhe ata lokalë përgjatë Gjirit Bregdetar amerikan.

Më herët guvernatorët e Luizianës, Floridës, Misisipit dhe Alabamës, patën shpallur gjendje të jashtëzakonshme në shtetet e tyre, për shkak të alarmit për uragan.

Meteorologët parashohin që stuhia Isaac do të forcohet në kategorinë e uraganit 1, ndërsa rruga e tij mund të jetë direkt kah Nju Orllins ditën e mërkurë.

Guvernatori i Luizianës, Boby Xhindal, ka kërkuar që njerëzit të përgatiten për më të keqen, duke rekomanduar evakuim vullnetar në strehimoret e vendosura jashtë sistemit të mbrojtjes nga vërshimet në Nju Orllins.

"Tash është koha që ju të jeni të sigurt se keni plan evakuimi, kështu që ju do ta dini se ku do të shkoni. Unë personalisht i rekomandoj fuqishëm njerëzit, që jetojnë në hapësirat e ulëta jashtë sistemit të mbrojtjes, ta fillojnë evakuimin vullnetar”, tha zoti Xhindal.

Pasi e goditi Floridën jugore, stuhia Isaac është nisur kah pjesa veriore e Gjirit Bregdetar amerikan, duke iu kërcënuar qytetit Nju-Orleans, shtatë vjet pasi nga uragani Katrina humbën jetën afro 1800 vetë.

Zyrtarët thonë se pengesat mbrojtëse rreth qytetit janë të pajisura që t’i rezistojnë stuhisë më të fuqishme se që është Isaac. Dështimi i këtij sistemi ka çuar në vërshime katastrofale në këtë hapësirë, pas uraganit Katrina.

Prefekti i ri i qytetit Nju Orllins, Miç Landriu thotë se çdo gjë është e gatshme për betejën kundër stuhisë.

"Ne jemi të organizuar, ne jemi të gatshëm për betejë, ne jemi në ritmin e betejës dhe ne do të jemi të gatshëm me atë që vjen në rrugën tonë”, tha Landriu.

Por, administratori i Agjencisë për Menaxhimin e Emergjencave Federale, Krejg Fjugejt tha se stuhia Isaac nuk është vetëm stuhi në Nju Orllins, dhe se pasojat më të këqija, po ashtu, mund të ndodhin në Misisipi dhe Alabama.

Mijëra banorëve të Alabamës u është thënë që të evakuohen.

Autoritetet e Floridës thanë se 60 mijë njerëz tashmë janë pa rrymë elektrike për shkak të stuhisë.

Partia Republikane e ka shtyrë për një ditë fillimin e Konventës Kombëtare në Tampa, në bregun perëndimor të Floridës.

Në këtë konventë, ish guvernatori i Masaçusetsit, Mit Romni, nominohet kandidat i Partisë Republikane në zgjedhjet për president të Shteteve të Bashkuara, që mbahen në muajin nëntor.

Maison Scotch dhe koleksioni vjeshtë-dimër 2012

Admin — Mon, 27 Aug 2012 20:21:45 GMT

Oh, sa shumë që kemi pritur për këtë koleksion! Koleksioni i famshëm i markës nga Amsterdami, frymëzuar nga Scotch & Soda, do të na mahnitë me setin fotografik të koleksionit Maison Scotch. Çdo veshje në këtë koleksion na bën të ëndërrojmë për ditët e ftohta, me më shumë optimizëm. Magjepsës dhe shumë elegant, ky koleksion është padyshim një nga më të mirët në koleksionet dimërore.

1/13

Si zakonisht, Scotch & Soda ka prezantuar një koleksion mjaft komod dhe të ngrohtë për ditët e ftohta që do të vijnë. Dëshironi të keni një stil unik, rroba të veçanta edhe në ditët e ftohta të dimrit? Atëherë shikoni koleksionin më të fundit të kësaj marke, ku do të zbuloni gardërobën që ju gjithmonë keni ëndërruar, trendy dhe shumë të rehatshme për ju.

Për stinët e ardhshme vjeshtë/ dimër ky koleksion sugjeron nj

kombinim të copave me pëlhura, një përshtatje e disa elementëve të veçanta që do t’ju bëjnë unike në stilin tuaj. Prandaj, ne do t’ju sugjeronim ta bënit pjesë në gardërobën tuaj një pallto të gjatë me krahë lëkure, një triko të butë e të punuar me pëlhurë, një xhaketë të punuar me pe leshi dhe najlon argjendi. Mos harroni të kompletoni pamjen tuaj me çanta lëkure, shall, doreza, varëse dhe unaza, të cilat janë aksesorët e domosdoshëm në stinën e ftohtë të dimrit

Fejohet zyrtarisht Jennifer Aniston

Admin — Mon, 27 Aug 2012 20:18:25 GMT

Aktorja e famshme e serialit "Friends” dhe një ndër aktoret më të mira komike të Hollivudit, Jennifer Aniston, pas një raporti më shumë se një vjeçar me të dashurin e saj, aktorin dhe skenaristin Justin Theroux, tashmë është fejuar zyrtarisht. Kështu raporton revista ‘People’, sipas së cilës thuhet se ceremonia e vogël e fejesës është mbajtur gjatë kësaj fundjave.

Thuhet se ditën e premte që Justin ka pasur edhe ditëlindjen e tij, i ka propozuar Anistonit e cila e ka pranuar me shumë entuziazëm.

Aniston 43 vjeçe dhe Theroux 41 vjeç janë takuar mëse 1 vit më parë dhe u shfaqën së bashku në komedinë "Wanderlust” në nisje të muajit shkurt. Kjo do të jetë martesa e dytë për aktoren Aniston, mbas një martese të dështuar me aktorin e famshëm Brad Pitt në vitin 2005

Kthehet mbas 20 vitesh seriali “Beverly Hills”

Admin — Mon, 27 Aug 2012 20:14:52 GMT

Kelly, Brandon dhe Dylan, janë tre ndër protagonistët e serialit kult "Beverly Hills”. Por çfarë ka ndodhur me ta pas 20 vitesh?

Për të gjithë kureshtarët rishfaqet edhe një herë Jennie Garth, e cila për miliona ish-adoleshentë në të gjithë botën do të vijojë të jetë thjesht Kelly e "Beverly Hills 90210” duke ecur me siguri të jashtëzakonshme tek vetja në korridoret e një shkolle, ndonëse kanë kaluar më shumë se 20 vjet nga koha kur ajo ishte një ndër ata, studentët e West Beverly High.

Tani është akoma më e bukur… kështu shkruajnë mediat teksa komentojnë spotin e ri në të cilin tre protagonistët shfaqen së bashku, sërish në korridoret e një shkolle…këtë herë në "Back to schools” por doemos në një tjetër status.

Për të fituar zemrën e saj janë sërish ata, Brandon apo aktori Jason Priestley, dhe Dylan apo Luke Perry. Të gjithë shfaqen të dalin nga mjediset e shkollës, shfaqen në korridore dhe janë të rrethuar nga të njëjtat objekte që i identifikonin në rininë e tyre të hershme, në kohët e ‘Beverly Hills’.

Dylan shfaqet me flokë pakëz të rralluar por me motorrin e tij të adhuruar dhe Brandon sërish me imazhin e tij prej mashkulli të bindur duke përqafuar arushin e tij të preferuar, tani gjigand. Është ky produksioni më i fundit ku do të shfaqen së bashku protagonistët e serialit hit "Beverly Hills”, që tani do të rrëfejnë jetën e tyre pas 20 viteve

Zjarret, 32 vatra në vend (Burimi: Top Channel, top-channel.tv)

Admin — Mon, 27 Aug 2012 20:04:51 GMT

Shqipëria vazhdon të jetë e përfshire nga zjarret e shumta. Të hënën paradite në vend u regjistruan sërish 32 vatra zjarri.

Me problematike ato ne qarkun e Korçës, ku edhe ndihma qe ka marre vendi me helikoptere te huaj, eshte stacionuar në këtë qark.

Kreu i Emergjencave Civile Alfred Olli i bën thirrje njësive vendore, të cilat janë përfshirë nga zjarret të ndihmojnë forcat e zjarrfikseve, pasi sipas tij një pjesë e madhe ende mbetet apatike.

"Ka edhe komuna, drejtues komunash dhe bashkish, të cilët nuk e kanë marrë parasysh bashkëpunimin. Kjo është shumë e vështirë për ne, se kur ka angazhim është një ndihmë e madhe edhe për ne”, tha Olli.

Ne total qe nga 15 korriku i ketij viti e deri me sot eshte djegur nje siperfaqe prej 300 hektaresh kryesisht pyll. Sipas Ollit nje shifer me e vogel ne krahasim me vitet e shkuara.

"Deri tani, nga 15 korrik deri më sot kemi patur rreth 150 zjarre në gjithë territorin e vendit. Në qarqet që kanë qenë më të prekura dhe që ne i përmendëm mund të jenë rreth 300 hektarë sipërfaqe e djegur”, tha Olli.

Por sipas tij, kete vit shqetesues jane piromanet. Ne te gjithe vendin jane ndaluar shume prej autoreve te zjarrvenies, por problem eshte ndeshkimi i tyre ligjor dhe financiar, per te frenuar kete fenomen.

Deputeti socialist Eduart Shalsi në reagimin e tij për këtë fenomen u shpreh: "Çdo vit qeveria shqiptare kapet "gafil” si pasojë e mosmarrjes së asnjë mase paraprake parandaluese. Do të mjaftonte një shikim i shpejtë i vatrave dhe i menaxhimit të tyre për të kuptuar nivelin mjeran në të cilën gjenden parashikueshmëria, parandalueshmërisë dhe aftësia menaxhuese e situatës së zjarreve nga ana e qeverisë shqiptare”.

Kurse Aleanca Kuq e Zi, në shqetësimin e saj për këtë situatë u shpreh: "Strukturat e specializuara duhet të kërkojnë pranë qeverisë mendimin e Kodit Penal për nenet 151 dhe 152 të tij. Sanksioni për shkatërrimin e pronës me zjarr apo eksploziv duhet të fillojë nga dënimi minimal me burgim nga 3 vjet e me dënim maksimal në varësi të anës subjektive e pasojave të ardhura. Duhet të bëhet e qartë një herë e mirë që prona është e shenjtë në këtë vend e kur bëhet fjalë për të nuk mund të luhet me zjarrin.”

Mançini kundër FIFA-s për Aguero

Admin — Sat, 25 Aug 2012 16:12:22 GMT

Trajneri i Mançester Sitit, Roberto Mançini, i ka cilësuar "qesharake” rregulloret e FIFA-s rreth lojtarëve të dëmtuar, pasi Serxho Aguero u përfshi në listën e përfaqësueses së Argjentinës për dy takimet e kombëtares të vlefshme për eliminatoret e Botërorit 2014.

Aguero është lënë pushim të paktën deri në gjysmën e muajit të ardhshëm nga mjekët e klubit anglez, por gjithsesi duhet të paraqitet te kombëtarja për dy takimet e datave 7 dhe 11 shtator kundër Paraguai dhe Peru.

Mançini ka treguar se do të përpiqet të bindë trajnerin Alehandro Sabela të heqë lojtarin nga lista e tij, por pranoi se është i pakënaqur qoftë edhe me idenë që sulmuesi të udhëtojë 14 mijë milje vajtje-ardhje për t’u vërtetuar se është i dëmtuar.

"Është e pamundur që ai të zbresë në fushën e lojës. Atij i duhen minimumi dy javë pushim absolut pa stërvitje. Nëse ata insistojnë se ai duhet të shkojë të bëjë kontroll mjekësor atje, do të detyrohet të paraqitet dhe pastaj të marrë menjëherë avionin për t’u kthyer në klub”.

"Duhet t’i respektojmë rregullat, por këto janë krejtësisht qesharake. Do të kontaktoj njerëzit në Argjentinë në mënyrë që të mos kemi probleme”, tha trajneri italian i Mançester Sitit.

Zjarr i qëllimshëm në muzeun e Mitrovicës, digjen objekte të vjetra

Admin — Sat, 25 Aug 2012 15:54:58 GMT

Mitrovicë -Persona të panjohur i kanë vënë zjarrin një muzeut në veri të Mitrovicë duke shkatërruar kështu objekte të vlerave të veçanta.

Ngjarja ka ndodhur rreth orës 1:00 pas mesnatës afër shkollës teknike në veri të Mitrovicës.

Lajmin e ka konfirmuar edhe Besim Hoti, zëdhënës i Policisë së Kosovës, për rajonin e Mitrovicës . Flakët kanë shkatërruar objekte etnologjike, instrumente dhe rekuizita të tjera të kësaj natyre.

Sipas Hotit, djegies i ka paraprirë një vjedhje e këtyre objekteve dhe më pastaj dyshohet se të njëjtët persona i kanë vënë zjarrin objektit, raporton Kosovapress.

Hetuesit e policisë janë në vend ngjarje dhe po merren me hetimin e këtij rasti. Vlera e dëmeve ende nuk është bërë e ditur.